«ДЫЙКАНДАР АРМИЯСЫ»
«ДЫЙКАНДАР АРМИЯСЫ» – 1918-ж. жайында Жалал-Абад аймагындагы Көгарт өрөөнүндө басмачылардан коргонуу максатында түзүлгөн атайы бирикме. Түркстан автономиялуу респнын чечими б-ча «Д. а.» Фергана обл. штабына баш ийген. Бирок аскер комиссары Осиповдун
көрсөтмөсү м-н «Д. а-нын» катарына ак гвардиячы офицерлер да кирип алып, Совет бийлигине каршы күрөш жүргүзө башташкан. 1919-ж. июлда «Д. а-нын» жетекчилери Монстров, штаб начальниги генерал Муханов, корбашы Мадаминбектер макулдашып, сентябрда Ош м-н Жалал-Абадда совет бийлигин кулатышып, Кырг-ндын түштүгүндөгү кээ бир аймактарды өз колуна алган. Анжыянды 5 миңден ашык кишиден турган отряд м-н курчап, бирок алалбай калган. 1919-ж. 22–24-сентябрда Кызыл Армиянын бөлүктөрү козголоңчуларды талкалап, Кырг-ндын түштүгүндө Совет бийлиги калыбына келтирилген. 1919-ж. октябрь айында Алайдын Эркеч-Там айылында корбашылардын курултайы болуп, анда Фергана автономиясынын
«Убактылуу өкмөтү» түзүлгөн. Мадаминбек ж-а Монстров отряддарынын калгандарын чогултуп,
чет өлкөлүк чалгынчылардын жардамы м-н Ферганада «Убактылуу өкмөт» түзгөн. Анын курамына Мадаминбек (башчысы), Монстров (орун басары), Муханов (аскер министри) кирген. 1919-ж. 14-августта уюшулган Түркстан фронтунун бөлүктөрү аларга сокку уруп, Монстров 1920-ж. январында колго түшүп, Мадаминбек
өзү багынып берген. Ошентип, ак гвардиячылар ж-а басмачылар тарабына өткөн «Д. а.» талкаланган.
Ад.: Кыргыз ССР тарыхы. 2-том. Ф., 1973. Б. Сатаров.