БАЙБИЧЕ (ЖЕЛАРГЫ) ГРАНИТ—СИЕНИТ КЕНИ

БАЙБИЧЕ (ЖЕЛАРГЫ) ГРАНИТ—СИЕНИТ КЕНИ Чүй облусунун Кемин районунда, Кемин шаар­часынан 10 км түш.-чыгыш тарапта Байбиче­нин Соорусу тоосунда. 1961-жылы геологиялык чалгындоо жумуштары жүргүзүлүп, запасы эсептелген. Кен пермь мезгилинде жиреп чыккан гранит-сиенит интрузиясынан турат. Ал ири массивди түзүп, Чүй суусун бойлой жайгашкан. Арасында порфирит дайкалары, көптөгөн кварц-турмалин­дүү тарамча тулкулары бар. Гранит-сиенит орто кристаллдуу, катуу, тыгыз, кысууга чыдам­дуулугу 2183-2711 кгс/см². Көлөмдүк массасы 2,6-3,05 г/см³; блоктуулугу 50%. Жүк көтө­рүмдүүлүгү жогору болгондуктан, майдала­нып темир жолдорго төшөлөт. Баланстык запасы А+В категориясы боюнча 5577 миң м³, С₁3991 миң м³.