БАЙРОН

БАЙРОН Жорж Ноэл Гордон (22. 1. 1788, Лондон - 19. 4. 1824, Миссолунги, Грекия) - англия акыны, романтизмдин көрүнүктүү өкүлү. Кембриж университетин бүтүргөн (1808). Байрон «Чайльд Гарольддун сапары» (1812-18), «Дон Жуан» деген поэмаларында өз заманынын маанилүү ма­селелерин козгоп, алдыңкы идеяларын даңа­залаган. «Гяур» (1813), «Корсар» (1814), «Лара»

(1814) аттуу поэ­маларында 19-кылым­дын башындагы коомдон безген, деспотизмге кар­шы чыккан, бий­ликке баш ийбеген бунтчул ж-а ин­дивидуалист каар­мандардын обра­зын түзгөн. Ал азаттык идеясына жан-дили м-н бе­рилип, ага бүт өмү­рүн, поэзиясын арнаган. Анын «Ман-фред» дра­малык поэмасы (1817), «Каин» мистериясы, «Ко­ло кылым» сатиралык поэмасы (1823) белгилүү. Байрондун «Шильондун туткуну» поэмасы ж-а бир канча ыры кыргыз тилине которулган.