БАКА ЖАЛБЫРАК
БАКА ЖАЛБЫРАК (Ріапіадо) - өсүмдүктөрдүн бака жалбырактар тукумунун уруусу. 260 түрү бар. Түндүк ж-а Түштүк жарым шарлардын мээлүүн алкагында таралган, кээ бир түрлөрү гана тропикте кездешет. Көпчүлүгү көп жылдык чөп, бир жылдыгы да бар, мисалы, лузитан бака жалбырагы же коён жалбырагы Батыш Жер Ортолук деңиз жээгинде, Батыш Азияда ж-а Түштүк Америкада таралган. Түндүк Африка чөлдөрүндө өзгөчө бадал - мавритан бака жалбырагы өсөт. Кыргызстанда өскөн 10 түрү чөп, тамыры чачы ж-а өзөк. Жалбырагы кезектешип жайгашат. Айрымдарынын сабагы кыска, жерден араң чыгып турат. Тамыр жалбырагы жазы, жарыш тарамыштуу, узун саптуу. Гүлү майда, көрксүз, жашыл, топ гүлү - башча же машак. Мөмөсү - кутуча же жаңгакча. Жол жээгинде, шалбаада,
кумдак жерде, боздоңдо өсөт. Маңызынын ж-а уругунун дарылык касиети бар. Кыргызстандын бардык өрөөндөрүндө, тоолорунда жолугат.
К. Т. Шалпыков.