БАЛДАР АЙЫЛЫ
Навигацияга өтүү
Издөөгө өтүү
БАЛДАР АЙЫЛЫ - томолой жетим же ата-энесинин биринен ажырап, кароосуз калган балдар үчүн шарты үй-бүлөдөгү абалга жакын уюштурулган мекеме. Мындай Балдар айылы 1949-жылы биринчи жолу австриялык педагог Герман Гмайнер тарабынан уюштурулган. Герман Гмайнер дүйнөдөгү алдыңкы педагогикалык жетишкендиктерге таянып, жетим же ата-энеси тарабынан багуусуз калган балдар үчүн тарбия системасын түзгөн. Азыркы күндө дүйнөдөгү 120 мамлекетте Балдар айылы бар. Кыргызстанда 2000-жылы Бишкек шаарында, 2002-жылы Чолпон-Ата шаарында Балдар айылдары уюштурулган.
