БАМБУК

БАМБУК (Ваmbusа) – дан өсүмдүктөр тукуму­ндагы дайыма жашыл бир же көп жылдык өсүмдүк. Жыгачка айланган сөңгөгүнүн бийиктиги 35 м дей, муунактуу, жогору жагы бу­тактуу. Жалбырагы тасма сымал, ичке, жал­бырак сабы кыска. Топ гүлү шыпыргы, кош жы­ныстуу; мөмөсү – данча. Бамбук чанда (10–12 жыл­да) жыш гүлдөп, мөмө байлагандан кийин куу­райт. Өтө тез өсөт (суткасына 0,75 м). Анын 80дей түрү негизинен Чыгыш жана Түштүк Азияда өсөт. Көгүлтүр бамбук көбүнчө саябакта (паркта), бакта кооздук үчүн өстүрүлөт. Кадимки жана камыш бамбук баалуу курулуш материалы. Саза уруу­сунун бир нече түрү КМШ өлкөлөрүндө, Курил жана Сахалин аралдарында жапайы өсөт. Жаш өркүнү тамак-ашка кошулат. Индияда ж. б. бир катар өлкөлөрдө целлюлоза-кагаз өнөр жайына сырьё катары пайдаланылат.