БЕКБОЕВ

БЕКБОЕВ Аскарбек Абдыкадырович (16. 1. 1956-жылы туулган, Ысык-Көл облусу, Ак-Суу району, Кереге-Таш кыштагы) – философия илимдеринин доктору (2002), профессор (2003). 1978-жылы КМУнун филология факультетин бүтүргөн. 1978– 80-жылдарда филосокфия ж-а укук институтунда улук илимий кызмат­кер, окумуштуу катчы, бө­лүм башчы, 1995–2002-жылдарда БГУнун биринчи проректо­ру, 2002–05-жылдарда И. Арабаев атындагы педагогикалык университетинин филосо­фия кафедрасынын башчы­сы, 2005-жылы ректору. Бекбоев 150дөн ашык илимий эмгек­тин, анын ичинде 10 монография­нын автору.

Анын илимий эм­гектери негизинен диалектикалык логиканын негизги формаларын, зарылдык ж-а кокустук категорияларынын тарыхый философиялык эволюция­сын изилдөөгө багытталган. Кыргызстан Ленин ком­сомолу (1989), УИАнын И. Ахунбаев атындагы (2005) сыйлыктарынын лауреаты. Даңк медалы м-н сый­ланган.

Эмг.: Очерки диалектической логики: принципы и категории. Б., 2001; Категорология. Б., 2002; Миро­понятий: от мифа к теории. Б., 2003.