БЕКБОЛОТОВ

БЕКБОЛОТОВ Турсунбек (10.2.1948-жылы туулган, Жа­лал-Абад облусу, Аксы району, Кербен кыштагы) – тех­ника илимдеринин доктору (1997), профессор (1999), КР УИАнын корреспондент-мүчөсү (2000), КРдин билим

берүүгө эмгек сиңирген кызматке­ри (2004). Ленинграддагы М. А. Бонч-Бруевич атындагы электр-техникалык байланыш институтун (1970), МЭИнин аспиранту­расын (1978) бүтүргөн. ФПИ­де окутуучу, улук окутуучу (1970–73), МЭИнин эсептөө техникасы кафедрасынын изилдөөчү стажёру (1973–74), ФПИде окутуучу (1977– 82), ЖАМУда кафедра баш­чысы (1983–94), КР УИАнын Түштүк бөлүмүнүн энергетика ж-а микроэлектроника илим-изилдөө ин­ститутунун директору (1994–95), ЖАМУнун ректору (1995), КРдин билим, илим ж-а маданият министри (1999–2001), министрдин 1-орунбасары (2001), ОшТУнун ректору (2002-жылдан). Информатика ж-а эсептөө техникасы боюнча адис. 100дөн ашык илимий эмгеги, анын ичинде 3 монографиясы жарык көргөн.