БЕКТЕНОВА
БЕКТЕНОВА Дамира Чотуевна (2.3.1949-жылы туулган‚ Ысык-Көл облусу‚ Жети-Өгүз району‚ Тамга кыштагы) – экономика илимдеринин доктору (2004). 1967-жылы Фрунзедеги финансы-экономикалык техникумду‚ 1971-жылы КМУнун экономикалык факультетин бүтүргөн. 1973–76-жылдарда Москва финансы институтунун (азыркы РФ Өкмөтүнө караштуу финансы академиясы) аспирантурасында окуп‚ 1977-жылы кандидаттык диссертациясын жактаган. 1971–95-жылдарда КМУда окутуучу‚ улук окутуучу‚ кафедра башчысы болуп иштеген. 1995-жылдан КРСУда кафедра башчысы‚ профессор (2005). 90дон ашуун илимий-методикалык эмгектери‚ анын ичинде 6 монографиясы ж-а окуу китептери жарык көргөн.
Эмг.: Финансы‚ денежное обращение и кредит. Б.‚ 1999; Закономерности движения денежных потоков в условиях переходной экономики. Б.‚ 2001; Капитализация средств в финансово-банковской сфере в трансформируемой экономике. Б.‚ 2003.