БЕЛГОРОД

БЕ́ЛГОРОД – РФтеги шаар. Белгород облусунун административдик борбору. Северский Донец дарыясынын боюнда. Калкы 340,9 миң (2005). Темир жол тоому. Ку­рулуш материалдарын (цемент заводу, асбест-це­мент, бор-акиташ комбинаттары ж. б.) чыга­рат. Машина куруу (анын ичинде энергетикалык машина ж-а прибор куруу, электр-техника, радио элек­троника, металл конструкциясы заводдору ж. б.), металл иштетүү, химия, тамак-аш ж. б. өнөр жайлары, 4 ЖОЖ, 2 театр, край таануу, көркөм музейи бар. «Курск салгылашуусу» музей-диорамасы иш­тейт. 1237-жылдан (археологиялык маалыматтар боюнча 10-кылымдан) белгилүү. 17-кылымда крым татарларынан коргонуунун борбору болгон.