БЕЛЛ Александер Грейам
(БЕЛЛ Александдер Грейам барагынан багытталды)
БЕЛЛ Aлександер Грейам (3.3.1847- жылы туулган, Шотландия, Эдинбург – 2.8.1922, Канада, Баддек) – телефонду ойлоп табуучу (1876). Адам үнүн зым аркылуу аралыкка алгачкы болуп берген. Эдинбург ж-а Лондон университеттерин бүтүргөн. 1871-жылдан АКШда жашаган. Ал дүлөйлөр м-н иштеп, абанын термелиши кантип үнгө айлана турганын изилдеген. 1873-жылдан Бостон университетинде (АКШ) профессор. 1876–77-жылдарда Белл микрофон ж-а үн угузгучту (наушник) бир тулкуга орнотуп, телефон аппаратын конструкциялап, 1876-жылы алгачкы телефонго патент алган. Телефон м-н биринчи жолу Нью-Йорктон Чикагого чалып сүйлөшкөн.