БЕНЕДИКТ XVI
БЕНЕДИ́КТ XVI , Й о з е ф Р а т ц и н г е р (16.4. 1927-жылы, туулган, Бавария жери, Германия) – Рим папасы, католик теологу. Жандармерия комиссарынын үй-бүлөсүндө туулган. 1937-жылдан Бавариядагы классикалык гимназиянын, 1939- жылдан семинариянын окуучусу. 1943-жылы Германия куралдуу күчтөрүнүн, 1944-жылы Австрия ле-
гионунун катарында кызмат өтөгөн, бирок согуштук аракеттерге катышкан эмес. 1945-жылы союздаштардын аскерлери тарабынан туткунга алынып, бир нече ай аскер туткундары үчүн лагерде кармалган. 1947-жылы Мюнхен университетинин алдындагы дин таануу институту – Георгианумга кирген. 1953-жылы «Августиндин экклезиологиясындагы Кудай Үйү жана эл» деген темада изилдөөсүн, ал эми докторлук диссертациясын ыйык Бонавентурдун дин таануу тарыхы боюнча коргогон (1957). 1977-жылдан Мюнхен ж-а Фрайзинг архиепископу, ошол эле жылы Рим папасы Павел VI аны кардиналдыкка дайындаган. 1980-жылы Иоанн Павел II аны атайын кеңештин башчысы кылып дайындаган. 1993-жылы Веллетри-Сеньи шаарчасынын епископу, 1998-жылдан Кардиналдар коллегиясынын вице-деканы, 2002-жылдан деканы. 2005-жылдын 19 апрелинен Рим папасы. Дин маселелерине арналган бир нече эмгектердин автору.