БЕРГМАН Ингмар

БЕ́РГМАН Ингмар (14. 7. 1918-жылы туулган, Швеция, Упсала – 30. 7. 2007. Форе, Готланд, Швеция) – швед кино жана театр режиссёру, сце­нарист. 1944-жылы Хельсинборг шаардык театрда ре­жиссёр. 1959-жылдан Стокгольмдогу драма те­атрында башкы режиссёр, директор. Кино иш­мердиги 1943-жылдан башталган. 1963–1966-жылдары Стокгольмдогу королдук драма театрында жана Мюнхендеги Резиденц театрда башкы режиссёр. Белгилүү тасмалары: «Жайкы түндүн ажары» (1955), «Бүлдүркөн талаасы» (1957), «Бет» (1958),

Ингмар Бергман .«Бет » фильминен кадр. 1958.

«Булак» (1959). Анын гуманисттик багыттагы, татаал, терең мазмундуу тасмаларына «Жетин­чи мөөр» (1957), «Персона» (1966), «Шыбыроо жана өкүрүк» (1972) кирет. Ал тасмаларынын сценарийин көбүнчө өзү жазган. «Күз сонатасы» (1978), «Фанни жана Александр» (1983) тасмалары өзгөчө баага татыйт. Бергмандын көптөгөн тасмалары эл аралык кино фестивалдарда сыйлык ал­ган.

А. Пазылов.