БЕСТСЕЛЛЕР

БЕСТСЕ́ЛЛЕР (англисче best – чоң, эң жакшы; sell – сатуу) – өтүмдүү, тез сатылып кетүүчү, көп нускада басылуучу китеп. Бестселлерди жарыялоо үчүн атайын орун бөлүнөт. Мисалы, Америкада китеп калктын 1%тен кем эмес бөлүгү тарабынан са­тылып алынганда гана Бестселлер деп эсептелет. Бестселлер сөзсүз түрдө эле өзүнүн көркөмдүк жана мазмундук са­паттары боюнча мыкты боло бербейт. Көп учурда китептин тездик менен сатылып кетиши - жакшы уюштурулган үгүттүк өнөктүккө да байла­ныштуу болот.