БЕТОН КОНСТРУКЦИЯЛАРЫ ЖАНА КУРАМА БӨЛҮКТӨР
Навигацияга өтүү
Издөөгө өтүү
БЕТО́Н КОНСТРУКЦИЯЛАРЫ ЖАНА КУРАМА БӨЛҮКТӨР – имараттын ж-а курулманын арматурасыз же аз арматуралуу (конструкциялык) бетондон даярдалган бөлүгү. Алар начар чоюлгандыктан, жалаң кысуу күчү таасир этүүчү жерге пайдаланылат. Имараттын пайдубалы, дубалы ж-а блоктору, гидротехникалык курулмалардын бөлүктөрү, мунара, чүмбөт ж-а көпүрө тирөөчтөрү, жолго ж-а жан жолчого (тротуарга) төшөлүүчү такталар (плиталар) ж. б. катары кеңири колдонулат. Алардын заводдо даярдалган курама бөлүктөрү натыйжалуу болуп эсептелет. Ал эми өтө көлөмдүү курулмалардын конструкциялары (мисалы, плотина, ири пайдубал, көтөрмөлөр, тирөөч дубал ж. б.) монолит бетондон даярдалат.