БЕШ-БУРКАН КҮРӨҢ КӨМҮР КЕНИ

БЕШ-БУРКАН КҮРӨҢ КӨМҮР КЕНИ Ош обл­усунун Ноокат районунда, Кызыл-Кыя шаарынан 12 км түштүк-чыгыш тарапта, Тахтек өрөөнүндө. Кен 1987–88-жылдарда издөө иштеринин негизинде ачыл­ган. 1989–91-жылдарда чалгындоо иштери жүргүзүлгөн. Төмөнкү юра катмарында татаал түзүлүштөгү бир көмүр кабаты аныкталган. «Негизги» деп аталган кабаттын калыңдыгы 1,47 мден 37,19 мге чейин өзгөрөт. Көмүр 3Б маркасына таандык, орточо күлдүүлүгү 19,4%, орточо табы 28,5 МДж/кг (6808 ккал/кг). Запасы (В+С₁ категориясы б-ча) 37344 миң т.