БЕШ ТАШ ТАБИЯТ ПАРКЫ
Навигацияга өтүү
Издөөгө өтүү
БЕШ ТАШ ТАБИЯТ ПАРКЫ 1996-жылы Түндүк-Батыш Кыргызстандын табигый комплексин жана биологиялык ар түрдүүлүгүн коргоо максатында уюшулган. Парк Талас өрөөнүндө, Талас Ала-Тоосунун түндүк капталынын борбордук бөлүгүн ээлейт. Парктын аянты 32411 га. Аймагында татаал өсүмдүктөрдүн 800дөн ашык түрү кездешет, анын ичинен 28 түрү – токой менен бадалдар. Жаныбарлары: элик, түлкү, суусар, арыс, чил, илбирс, түркстан сүлөөсүнү, кумай, ителги, көк жору жана башкалар. Беш-Таш суусунда жилингир бар. Табият паркында жакынкы жылдарда калктын жана чет элдик туристтердин эс алуусу уюштурулган.