БИЙБОСУНОВ Болотбек Ильясович
БИЙБОСУНОВ Болотбек Ильясович (9.8.1957- жылы туулган, Фрунзе) – физика-математика илимдеринин доктору (1998), профессор (2003). КМУну (1979) бүтүргөн. КР УИАда илимий кызматкер, лаборатория башчысы (1979–2000), илим ж-а интеллектуалдык менчик боюнча мамлекеттик агентчиликтин илимий-техникалык маалымат борборунун директорунун орун басары (2001–02), директору (2003–05), интеллектуалдык менчик боюнча мамлекеттик фондунун аткаруучу директору (2005-жылдан). 60тан ашык илимий эмгектери, анын ичинде 2 монографиянын автору. Илимий багыты негизинен гидродинамика боюнча, илимий эмгектери механика, колдонмо математика, математикалык моделдештирүү ж-а экономикага арналган.
Эмг.: Моделирование и решение оптимизационных задач напорной фильтрации при сложном строении грунта. Б., 1998.