БИЙИКТИК (геометриялык түшүнүк)
БИЙИКТИК — геометроиялык фигуранын чокусунан негизине түшүрүлгөн перпендикулярдын кесиндиси, ошондой эле ошол кесиндинин узундугу. Ал фигуранын аянтын же көлөмүн аныктоодо колдонулат. Үч бурчтуктун, пирамиданын, конустун бийиктиги - чокусунан негизине же анын уландысына түшүрүлгөн перпендикулярдын кесиндиси; параллелограммдын, призманын, цилиндрдин бийиктиги - параллель жактар же негиздер
арасында камалган жалпы перпендикулярдын кесиндиси; шар алкагынын бийктиги - негиздериндеги параллель тегеректер арасындагы аралык; шар сегментинин бийиктиги - негизине перпендикуляр болгон шар радиусунун негиз м-н анын шар бетинин арасындагы бөлүгү; тегеректин сегментинин бийктиги - тегеректин, сегменттин негизине перпендикуляр радиустун негиз м-н айлананын же тегеректин арасында жаткан бөлүгү. Чиймеде үч бурчтуктун, трапециянын ж-а кесилген конустун бийиктиги сүрөттөлгөн.
Б. Э. Канетов, Б. Ш. Шабыкеев.