БИЙ КҮҮЛӨРҮ

БИЙ КҮҮЛӨРҮ – комуз, кыл кыяк, темир ооз ­комуз, чоор күүлөрүнүн бир түрү. Алардын кай­рыктары кыска, обондуу, ыргактары так, бий мүнөздөрү айкын. Айрыкча комуз күүлөрүндө «Эски бий күү», «Теңсел», «Чайкалма», «Бий күү», «Тактеке», «Селкинчек» аттуу атайын Бий күүлөрү кезигет. Бий күүнүн дагы бири – «Калмак бий». Анын 4–5 варианты бар. Бир ыргакты кармап туруу менен, бийчини экстазга жеткирүү, аны кай­радан күүнүн жандырмагы менен акыл-эсине кел­тирүү, элдин көңүлүн ачуу, атайылап күлдүрүү бул күүлөрдүн негизги максаты болгон. Анын айрым үлгүлөрү «Кыргыз музыкасынын анто­логиясында» өзүнчө жанр катары берилген.