БИХАР

БИХА́Р́ – Индиянын түндүк-чыгышындагы тарыхый облус, 1950-жылдан Индия республикасынын штаты. Ган­га түздүгүндө жайгашып, түндүгүнөн Непал, чыгышынан Батыш Бен­га­лия, батышынан Мад­хья-Пра­деш жана Ут­тар-Пра­деш, түштүгүнөн Джарк­ханд шта­ттары менен чектешет. Аянты 94 миң км². Калкы 90,3 млн киши (2005). Административдик борбору – Пат­на. Бихар салты Будда Шакь­я­му­нинин (б. з. ч. 6–5-кылымдар) ишмердүүлүгү менен байланышкан. Гупта жана Ашока (б. з. ч. 3-кылым) империяларынын тушунда Бихар гүлдөп өнүккөн. Бихар 12-кылымдын аягы–18-кылымдын ортосунда Дели султанатынын, Улуу Моголдор мамлекетинин курамында. 1757–65-жылдары англиялыктарга, 1911-жылдан Британдык Индия провинциясына баш ийген.