БОЛЕРО

БОЛЕРО́ – испан эл бийи. XVIII кылымдын аягында пайда болгон. Жеке же эки киши орто ылдамдыкта бийлейт. Болеро опера жана балетте да пайдаланылган. Адатта кастаньетта менен гитаранын үнү коштойт. Көп композиторлор Болерого кайрылып, анын ыргагында романстарды, арияларды, аспаптык пьесаларды жана симфониялык поэмаларды жаратышкан. Өзгөчө белгилүүсү М. Равелдин оркестр үчүн «Болеросу».