БОРНИТ

БОРНИ́Т (австриялык минералог И. Борндун ысмынан) – сульфиддер тобундагы минерал. Химиялык формуласы Cu₅ FeS₄. Курамында 52–65% Cu, 8–12% Fe болот. Куб сингониясында кристаллданат. Өӊү кара-күрөӊ, кызгылт сары келип, кубулуӊку тарам-тарам көк түскө өтөт. Катуулугу Моос шкаласы боюнча 3. Салыштырма салмагы 4,9–5,3. Негизинен гидротерм кендеринде кездешет. Борнит жез кенташынын (рудасынын) негизги минералы.