БОР КИСЛОТАСЫ

БОР КИСЛОТАСЫ , о р т о б о р к и с л о т а с ы, Н₃ВО₃ – үч негиздүү кислота, түссүз кристаллдар, сууда эрийт. Ысытканда метабор кислотасына НВО₂, андан ары бор ангидридине В₂О₃ айланат. Сууда эригичтиги 20°Сде 4,89%, органикалык эриткичте эрийт. Туздары бораттар деп аталат. Концентрациялуу Н₂SО₄ катышуусунда спирттер менен эфирди пайда кылат. Табиятта эркин түрүндө кездешпейт. Негизинен бораттарга Н₂SO₄тү таасир кылуу менен алынат. Ал өнөр жайда буфердик эритмелерди даярдоодо, ошондой эле дезинфекциялоочу зат катары колдонулат.