БОЧКАРЁВ Яков Васильевич

БОЧКАРЁВ Яков Васильевич (1928, Чүй облусу, Аламүдүн району, Аламүдүн айылы – 1. 7. 2004, РФ, Рязань шаары) – гидромелиоратор, техника илимдеринин доктору (1967), профессор (1969), Кыргыз ССРинин илим жана техника боюнча мамлекеттик сыйлыгынын лауреаты (1976). Россия айыл чарба академиясынын корреспондент-мүчөсү (1991). КРдин эмгек сиӊирген ойлоп табуучусу. 1954-жылы К. И. Скрябин атындагы КАЧИни бүтүп, ушул эле институтта окутуучу, доцент, 1962-жылдан кафедра башчысы, ал эми 1978-жылдан лаборатория башчысы, 1966–87-жылдары декан, 1987–97-жылдары кафедра башчысы, 1997–2004-жылдары Рязань айыл чарба институтунда профессор болуп иштеген. Анын 300дөн ашык илимий эмгектери, анын ичинен 6 монография, 8 окуу китеп бар. Алар сугат иштерин автоматташтырууга ж. б. арналган.

Эмг.: Гидравлическая автоматизация водораспределения оросительных систем. Ф., 1971; Основы автоматики и автоматизация производственных процессов в гидромелиорации. М., 1981; Эксплуатационная гидрометрия и автоматизация оросительных систем. М., 1987.