БРАУНИТ

БРАУНИ́Т (нем. илимпозу М. Браундун ысмынан) – татаал кычкылдардын тобуна кирүүчү минерал. Химиялык формуласы Mn²⁺ Mn₆³⁺ SiO₁₂. Тетрагон сингониясында кристаллданат. Өӊү кара. Катуулугу Моос шкаласы боюнча 6–6,5. Салыштырма салмагы 4,7–5,0. Гидротерм тарамында, марганец кычкылына бай метаморфизмделген чөкмө тоо тектерде ж. б. кездешет. Браунит – марганец кен ташын (рудасын) пайда кылуучу негизги минерал.