БУЖУМБУРА

БУЖУМБУ́РА – Бурунди мамлекетинин борбор шаары. Калкы 374,8 миӊ (2012). Танганьика көлүнүн түндүк-чыгыш жээгиндеги порт, өлкөнүн соода-транспорт жана экономикалык борбору. Жолдор тоому. Эл аралык аэропорту бар. Сыртка кофе, пахта, тери, калай концентратын ж. б. чыгарат. Тамак-аш, жеӊил өнөр жайы, цемент, пиво заводдору иштейт. Балык кармалат. Айыл чарба сырьёсунан азык-түлүк даярдайт. Тор түйүү фабрикасы, университет бар. 1897-жылы негизделген. 1922-жылдан мандат менен башкарылуучу, 1946–62-жылдары опека алдындагы (Руанда-Урунди) Бельгия аймагынын, 1962-жылдан көз каранды эмес Бурунди мамлекетинин борбору.