БУЛАН-ТӨР МӨӉГҮСҮ

БУЛАН-ТӨР МӨӉГҮСҮ – Борбордук Теӊир-Тоодогу татаал-өрөөн тибиндеги мөӊгү. Кайыӊды кырка тоосунун түштүк капталында жайгашкан. Узундугу 7,4 км, туурасы 700–1500 м, аянты 9,3 км². Мөӊгүнүн башы деӊиз деӊгээлинен 5240 м, этеги 3000 м бийиктикте жатат. Кар чегинин бийиктиги 4100 м. Абляция облусунун аянты 3,1 км². Кайыӊды кырка тоосу менен анын түштүк тармагынын ортосундагы кеӊири төрдөн башталып, батышка карай багытталган. Мөӊгүдөн аты окшош суу агып чыгып, Көй-Капка оӊ жактан куят.