БЮДЖЕТ СТАТИСТИКАСЫ

БЮДЖЕ́Т СТАТИСТИКАСЫ – статистиканын калктын турмуш деӊгээлин изилдөөчү бөлүгү. Элдин материалдык жана рухий жактан камсыз болуу деӊгээли мамлекеттик отчёттордун, түрдүү каттоонун, статистикалык байкоонун негизинде талданат. Бюджет статистикасы жумушчулардын, кызматчылардын үй-бүлөсүнүн кирешесин, чыгашасын жана керектөө өлчөмүн, алардын структуралык өзгөрүүсүн изилдейт. Улуттук кирешенин түзүлүшүн жана аны бөлүштүрүүнү тактоодо, жумушчулардын накта кирешесин эсептөөдө, баланстын кээ бир түрүн түзүүдө Бюджет статистикасынын маалыматтары кеӊири пайдаланылат.