ВАГОН
ВАГО́Н (англ. wagon – араба) – темир жол аркылуу жүк жана жүргүнчү ташуучу транспорт каражаты. Алгачкы вагон жыгач рельс менен жүрүп, ат менен сүйрөтүлгөн же болбосо жумушчулар түрткөн. Жүк ташуучу вагон биринчи жолу Анг-
лияда 1786-жылы пайда болуп, темир жол менен жүргөн. Вагон арналышы боюнча жүргүнчү жана жүк ташуучу, жалпы тармактык жана өнөр жай транспорту үчүн, кеӊ жана кууш жолдуу (колеялуу) болот. Вагон чиркелет же өзү жүрөт (моторлуу электр поезди, трамвай, метрополитен, дизельпоезддери ж. б.). Жалпы арналыштагы ж ү р г ү н ч ү т а ш у у ч у (бөлмөлүү же бөлмөсүз, почта, чакан жүктөрдү ташуучу, вагон-ресторандар ж. б.) жана атайын вагондор (санитардык, лабораториялык, клубдар ж. у. с.) болуп бөлүнөт. Ж ү к т а ш у у ч у (товардык) вагондор универсалдуу (жабык, платформа, цистерна ж. б.) жана атайын
(гондола, транспортёр, чоюн ташуучу ж. б.) болот. Азыркы учурда темир жол менен жүрүүчү вагондордун 200дөн ашык түрү бар.