ВАЛЮТА РЫНОГУ

ВАЛЮ́ТА РЫНОГУ – чет өлкөлүк валюталарды сатып алууну-сатууну ишке ашыруучу борбор. Валюта рыногу абдан керек‚ анткени эл аралык соодага жана чет өлкөлүк инвестицияларга тартылган ар бир өлкө сооданы финансылоо жана капитал менен бүтүм жасоо үчүн өзүнүн улуттук валютасын башка валютага алмашууга тийиш. Валюта рыногу көп улуттуу. Валюта операцияларынын негизги борборлору – Лондон‚ Нью-Йорк‚ Токио.