ВАНТАА

ВА́НТАА (финче Vantaa, шведче Vanda) – Финляндиядагы шаар. Өлкөнүн борбору – Хельсинкинин жандоочусу. Калкы 200 миӊ (2011). Калкынын саны боюнча өлкөдөгү 3-шаар (Хельсинки, Тампереден кийин). Жол тоому (Вантаа аркылуу Россияны Скандинавия өлкөлөрү менен байланыштыруучу автомагистраль өтөт). Темир жол бекети. Эл аралык ири аэропорту бар. Алгач 1351-жылы эскерилет; 1974-жылдан шаар. Музейлери (авиация ж. б.), Хеурека көргөзмө борбору, аквариум бар. Картинг борбору. Хельсинки – Вантаа технополиси (логистика, телекоммуникация, электроника ж. б. илимий тармактары боюнча изилдөөлөр жүргүзүлөт; бизнес-кызматташтык, программалык камсыздоо боюнча кызмат көрсөтүлөт). Электроника, лак-сыр, тамак-аш өнөр жай ишканалары иштейт.