ВАСИЛЬЕВА
ВАСИ́ЛЬЕВА Вера Кузьминична (30. 9. 1925-жылы туулган, Москва – 8. 08.2023, Москва облусу, Россия) – СССР эл артисти (1986), СССРдин мамлекеттик сыйлыгынын лауреаты (1948, 1951). 1948-жылы Москва театр окуу жайын бүтүргөн. Москва сатира театрында иштеп, лирикалык образдардан баштап,
(П. Бомарше. «Алаӊгазар күн же Фигаронун үйлөнүүсү»).
бара-бара драмалык ролдорго өткөн: Лиза Синичкина (А. М. Бонди жана Д. Т. Ленский, «Лев Гурыч Синичкин»), Ольга Степанова (Н. М. Дьяконова, «Сеп менен үйлөнүү той», СССР мамлекеттик сыйлыгы, 1951), графиня Альмавива (П. Бомарше, «Алаӊгазар күн же Фигаронун үйлөнүүсү»), Анна Андреевна (Н. В. Гоголь, «Текшерүүчү»), Вишневская, Домна Пантелевна (А. Н. Островский, «Кирешелүү жай», «Таланттар жана таазим этүүчүлөр»), Эстер (Ж. Кокто, «Касиеттүү желмогуздар») жана башкалар. Актрисанын аткаруучулук манерасына лиризм, сүйкүмдүүлүк, курч мүнөздүүлүк таандык. «Сибирь жери жөнүндө аӊгеме» «Жашы жетпегендер» жана башка тасмаларга тартылган.
Ад.: Звезды театра сатиры. М., 2002.