ВЕЗУВИАН

ВЕЗУВИА́Н (Везувий жанар тоосунан табылгандыгына байланыштуу аталган), и д о к р а з – силикаттар классына кирүүчү минерал. Химиялык формуласы Ca₁₀Mg₂Al₄ [SiO₄]₅[Si₂O₇]₂(OH)₄. Тет-

рагон сингониясында кристаллданат. Өӊү саргыч жашылдан чанда кочкул жашылга чейин, кара күрөӊ, кара кызгылт көк, көк, айнектей жалтырак. Катуулугу Моос шкаласы боюнча 6,5. Салыштырма салмагы 3,35–3,45. Везувиан магма тоо тектери менен акиташ тегинин жана доломиттин контактасында метасоматоз процесстеринен пайда болот. Тунук Везувиан баалуу кооз таш катары пайдаланылат.