ВЕРЧАГИН

ВЕРЧА́ГИН Валерий Иванович (27. 2. 1947, Тажик ССРи, Восе району, Восе кыштагы – 11.1.2021, Россия, Москва) – генерал-полковник (2003). ФПИни (1970), СССР Мамлекеттик Коопсуздук комитетинин Ю. В. Андропов атындагы Кызыл Туулуу институтун (1983) бүтүргөн. 1970–74-жылдары студенттик курулуш уюмунун жумушчусу, Фрунзедеги тери заводунда электр цехинин начальниги, Кыргыз ССР өнөр жай министрлигинин курулуш монтаждоо башкармалыгында мастер, прибор ремонттоо заводунда бригадир, 1974–79-жылдары Кыргыз ССР Мамлекеттик коопсуздук комитетинде бөлүмдүн оперуполномочени, улук оперуполномочени, төрагасынын орун басары, төрагасы, 1984–85-жылдары Кыргыз ССР Мамлекеттик коопсуздук комитетинин төрагасынын орун басары, төрагасы, парткомдун секретары, 1991–2001-жылдары КРдин Мамлекеттик коопсуздук комитетинин төрагасынын 1-орун басары, КРдин Улуттук коопсуздук министринин 1-орун басары,

КРдин Чек ара кызматы башкы башкармалыгынын төрагасынын милдетин аткаруучу, министрдин 1-орун басары, КРдин Улуттук коопсуздук кызматынын төрагасынын 1-орун басары болуп иштеген. Улуттук коопсуздук кызматынын отличниги (2001). «Ардак Белгиси», «Манас» ордендери ж-а медалдар м-н сыйланган.