ВИЛЛА

ВИ́ЛЛА (латынча villa – короо-жай, кыштак) – шаар сыртына курулган бак-дарактуу үйдүн бир түрү. Виллалар биздин заманга чейинки III кылымда Италияда пайда болуп, II–I кылымда бүткүл Жер ортолук деңиздин боюна та­раган. Бул учурдагы Виллалар турак жай жана башка ку­рулуштардан турган архитектуралык комплекстен түзүлгөн.

Страдагы Пизани вилласы (Түндүк Италия). 1720-жылы курулган. Архитектор Ж. Фриужимелина, Ф.-М. Прети.

Кийинчерээк (империя доорунда) тер­расалуу, парк-павильондору бар Виллалар салын­ган. XV–XVII кылымда Вилла салуу Италияда өнүккөн. Кайра жаралуу доорунун орто ченинде башкы имараты – казиносу бар Вилла куруу салтка айлан­ган. XIX кылымдан шаар сыртына же дем алуучу жай­ларга салынган бак-паркы бар комфорттуу үйлөр Вилла деп аталат.