ВИСЛА

ВИ́СЛА – Польшадагы эң узун ж-а суусу мол дарыя. Узундугу 1047 км, алабынын аянты 198,5 миң км². Батыш Карпат тоолорунан башталат да Мазовия-Подляск түздүгү аркылуу агып, Бал­тика деңизиндеги Гдань бухтасы м-н Висла бу­луңуна куярда дельтаны пайда кылат. Негизги куймалары: Сан, Дунаец, Вислока, Вепш, Буг (оң), Пилица, Брда (сол). Орт. чыгымы Варша­ва шаары тушта 590 м³/сек, чатында 1030 м³/сек. Жазында суусу кирет. Төмөнкү ж-а ортоңку агы­мында кеме жүрөт. Днепр, Одер, Неман дарыяларына

Висла дарыясы.

каналдар аркылуу туташат. Боюнда Краков, Варшава, Плоцк, Торунь, дельтасында Гданьск шаарлары жайгашкан.