ВИТЕБСК

ВИ́ТЕБСК – Беларуссиянын түндүк-чыгышында­гы шаар, Витебск облусунун борбору. Калкы 342,2 миң (2006). Батыш Двина дарыясынын боюнда. Жол­дор тоому. Деңиз порту. Аэропорту бар. Шаар

Шаар панорамасы.

XI кылымда негизделген. 1101-жылдан Витебск княз­дыгынын борбору. XIV кылымдан Литва менен Польша­нын, 1772-жылдан Россия империясынын, 1919–1924-жылдары РСФСРдин, 1924-жылдан БССРдин кура­мында. Благовещенск (XII кылым), барокко жана клас­сицизм стилиндеги Казан чиркөөлөрү (1760), Ыйык Троица Марк (XIV–XV кылым) жана монастыр­лар ансамбли (XIV–XV кылым), Успенье собору (XV кылым), иезуит коллегиуму (XVIII кылым), губернатор сарайы (XVIII кылым), ратуша (учурда край таануу музейи), ту­рак жай үйлөрү, Ыйык Варвара костёлу жана башкалар бар. 1988-жылы «Амфитеатр» маданий-спорт ком­плекси, XX кылымдын аягында Жеңиш аянты мемо­риалдык комплекси менен ачылган. Университтеттер, ве­теринария медицинасы академиясы (1924), арт­борбор (1992) жана М. Шагалдын үй-музейи, мен­чик коллекция музейи, театрлар иштейт. 1987-жылдан эл аралык заманбап хореография, 1992-жылдан эл аралык «Славян базары» искусство фес­тивалдары өткөрүлөт. Станок куруунун жана же­ңил өнөр жайдын ири борбору. Металл кесүүчү, жыгаччылык станоктору, трикотаж буюмдар, радио деталдары, телевизорлор («Витязь»), ченөөчү приборлор, эмерек, бут кийим («Бел­вест») жана башкалар чыгарылып, килем токулат. Витебскке жакын чептердин калдыктары, И. Е. Репиндин парк чарбагы жайгашкан.

Ад.: Витебск//Энциклопедический справочник.