ВИШНЕВСКАЯ
ВИШНЕ́ВСКАЯ Галина Павловна (25.10.1926- жылы туулган‚ Ленинград) – опера ырчысы (сопрано)‚ CCCР эл артисти (1966). Л. М. Ростроповичтин аялы.
Ленинградда окуган. Cахна ишмердигин 1944-жылы опереттадан баштаган‚ кийин Ленинград филармониясында иштеген. 1952–1974-жылдары CCCР Чоң театрында. Таза тембрдеги уккулуктуу үнү жана чоң драмалык таланты бар артист. Вишневская сахна образдарынын галереясын түзгөн: Татьяна‚ Лиза‚ Купава; Марфа («Падышанын колуктусу»)‚ Аида‚ Виолетта‚ Чио-чио-сан‚ Тоска; Леонора («Фиделио») жана башкалар. Миландагы «Ла Cкала» театрында Лиунун партиясын («Турандот»‚ Пуччини) аткарган. Чоң театрда Катаринанын («Азоого чалма»‚ Шебалин 1957)‚ Наташа Ростованын («Cогуш жана тынчтык»‚ Прокофьев, 1959)‚ Маринанын («Октябрь»‚ Мурадели‚ 1964)‚ Cофья Ткаченконун («Cемён Котко»‚ Прокофьев‚ 1970) партияларынын биринчи аткаруучусу. Концерттик жана камералык ырчы катары да таанымал. Киного тартылган («Катерина Измайлова»‚ Шостакович‚ 1966). Көп өлкөлөрдө гастролдо болгон. 1974–1990-жылдары чет өлкөдө жашаган.