ВЛАДИКАВКАЗ

ВЛАДИКАВКА́З (осетинче Дзаужикау; ингуш­ча – Буру; 1931–44, 1954–90-жылдарда Орджоникидзе, 1944–54-жылдарда Дзаужикау) – Түндүк Осетиянын бор­бор шаары. Калкы 314,5 миң (2005). Түндүк Кав­каздын илимий, маданий ж-а экономикалык ири борбору. Түндүк Осетин түздүгүндө, Терек дарыясынын боюнда жайгаш­кан. Темир жол бекети. Жолдор тоому. Владикавказ – Ас­кер-Грузин, Аскер-Осетин жолдорунун ж-а Транскавказ автомобиль магистралынын баш­тапкы пункту. Аэропорту бар. 1784-жылы орус чеби катары негизделген. 1860-жылдан шаар. 1921– 24-жылдарда Горский АССРинин, Түндүк Осетин (1924– 36) ж-а Ингуш АОсунун, 1936-жылдан Түндүк Осе­тин АССРинин борбору болгон.

Шаар панорамасы.

Чиркөөлөр, сүн­нөт мечити (1906–08), 20-кылымдын курулуштары (учурда Өкмөт үйү), универмаг, телеборбор, ста­дион, мейманканалар (1960), металлургдар үйү (1966), эстеликтер (К. Л. Хетагуровго, И. А. Плиевге, В. И. Абаевге), элдердин достугу монументи бар. Төрт ЖОЖ (анын ичинде Түндүк-Осетин университети ж-а медициналык академия ж. б.), илим-изилдөө институттары, китеп­кана, мамлекеттик тарых, архитектура, адабият бириккен му­зейи, Хетагуровдун үй-музейи, театрлар бар. Түстүү металлургия, машина куруу, электр-техника, жеңил ж-а тамак-аш өнөр жай ишканалары иштейт.

Ад.: Яндиев А. Д. Владикавказ: Неизвестные страницы истории города. Магас, 2004.