ВОЗНЕСЕНОВКА

ВОЗНЕСЕ́НОВКА – Чүй облусунун Панфилов районун­дагы кыштак. Вознесеновка айыл өкмөтүнө ка­раштуу. Бишкек–Ташкен автомобиль жолунун боюнда. Райондун борбору Кайыңды шаарчасы­нан 18 км түштүк-чыгыш тарапта. Кара-Балта те­мир жол бекетинен 5 км. Кыштак 1875-жылы оту­рукташкан. Деңиз деңгээлинен 1200 м бийиктикте. Кал­кы 4186 (2022); негизинен дыйканчылыкта эм­гектенет. Орто мектеп, клуб, китепкана, амбу­латория, дарыкана, үй-бүлөлүк врачтар тобу, тур­муш-тиричилик комбинатынын бөлүмдөрү, май куюучу жай бар. Кыштакта Социалисттик Эмгектин Баатыры А. А. Юрченко туулган.