ВОЗНЕСЕНСКИЙ

ВОЗНЕСЕ́НСКИЙ Андрей Андреевич (12.5.1933- жылы туулган, Москва) – орус акыны. Москвадагы ар­хитектура институтун бүтүргөн (1957). Чыгармачылыгы 1958-жылдан башталган. «Чеберлер» поэмасын­да (1959) жаңы ыкманы жаңы стилди жогорку чеберчиликте колдонуу м-н көркөм өнөргө кы­зыгуусу арткан. Акындын АКШга болгон иш сапарынан кийин жазылган «Үч бурчтуу алму­рут» поэмасынан «40 лирикалык чегинүү» жый­нагында (1962) сүрөткердин граждандык позициясы «заманга ылайык» сынга туш болгон. «Лон­жюмо» (1963), «Оза» (1964) поэмаларында адам­дардын жеке жашоо-турмушу тууралуу ой ­жүгүртүүсү чагылдырылган. Ошондой эле «Каршы дүй­нө» (1964), «Витраж жасоонун чебери» (1976), «Азгырык» (1978) аттуу поэмалардын ж-а ыр жыйнактардын автору. Вознесенский СССР мамлекеттик сыйлыгынын лауреаты (1978).