ВОКЗАЛ ИМАРАТТАРЫ

ВОКЗА́Л ИМАРАТТАРЫ (англисче Vauxhall – Лондондогу көңүл ачуучу бактын атынан)— жүргүнчүлөрдү тейлөөчү имарат же имараттар комплекси. Вокзал имараттары автовокзал, аэровокзал, темир­ жол вокзалы, деңиз вокзалы жана дарыя вокза­лы болуп бөлүнөт. Магистралда жайгаштыры­лышы боюнча акыркы же аяккы, түйүндүү, ара­лык, транзиттик; жүргүнчүлөрдү тейлөөгө жа­раша – алыскы, жергиликтүү,, шаар айланасына кат­тоочу, эл аралык деп аталат. Вокзал имараттары негизинен тө­мөнкүлөрдөн турат: вокзал алдындагы аянт, жүргүнчүлөр залы, касса, перрон, почта, кыз­матчылар бөлмөлөрү, буфет, ресторан жана мей­манкана. Жүргүнчүлөрдү тейлөө иши – билет сатуу, жүктөрдү кабыл алуу жана кайра берүү, кол жүктөрүн сактоо, транспорттун келип, кетүүсүн өз убагында жарыялап туруу жана башкалар. Транспорттун бир нече түрлөрүн бир убакта пайдала­нуучу жүргүнчүлөр үчүн атайын бириктирилген вокзалдар курулат. Алгачкы вокзал имараттары 1822–1825-жылдары Стоктон – Дарлингтон (Англия) линиясында те­мир жол боюнча жүргүнчүлөрдү ташуу учурунда курулган. XIX кылымдын башында жана XX кылымдын аягында вокзал имараттарын куруу ири шаарларда тездик менен өнүгө баштаган. Бириктирилген вокзал имараттары шаар­дык транспорттун кыймылын азайтып, транс­порттук жана инженердик коммуникацияларды жана толук баалуу, өнүккөн архитектуралык ансамбл­ди курууну жеңилдетет. Кыргызстанда темир жол вокзалдары жана автовокзалдар гана бар.

Бишкек темиржол вок­залы.