ВОЛОГДА

ВО́ЛОГДА – Россиядагы шаар. Вологда облусунун администрациялык борбору. Калкы 288,4 миң (2005). Облус­тун түштүк бөлүгүндө, Вологда дарыясынын боюнда жай­гашкан. Ири жолдор тоому. Аэропорту бар. Жазма даректерде алгач 264-жылы эскерилет. XV–XVI кылымда ири кол өнөрчүлүк жана соода борбору. Ус­пенье (Содгия), Воскресенье (1772–1776) соборло­ру, Архиерей короосу ансамбли менен (шаардын архитектуралык доминанты), коомдук турак жайлар,

Шаардын эски бөлүгүнүн көрүнүшү.

чиркөөлөр жана башкалар сакталган. 2000-жылдан заман­бап курулуштары шаардын борбордук бөлүгүндө план боюнча курулууда. Тогуз жогорку окуу жайы (филиалдары менен), китепканалар (анын ичинде азиздер үчүн), музейлер, Пётр Iнин, акын К. Н. Батюшковдун үй-музей­лери, сүрөт галерея театр, филармония бар. Фес­тивалдар өткөрүлүп турат. Подшипник, опти­ка-механика заводдору, сүт комбинаты, троллей­бустар менен автобустар ишканалары, жыгаччы­лык станоктору, машина куруу, эмерек, жеңил, тамак-аш, курулуш материалдар өнөр жайлары иштейт. Көркөм промысели, сувенир буюмдарды жасоо өнүккөн. XV–XVII кылымда Приморье, Сибирь жана Батыш Европа менен соода очогу, 1782-жылы на­местникчиликтин, 1796-жылдан Вологда губерниясы­нын борбору болгон. Совет өкмөтү 1917-жылы 12 (25)-декабрда орногон.

Ад.: Вологда: Краеведческий альманах. Выпуск 1–4. Вологда, 1994–2003.