ВОЛЬСКИЙ Мирон Ефимович
ВО́ЛЬСКИЙ Мирон Ефимович (11.11.1892, Брест шаары – 31.12.1958, Фрунзе) – медицина илимдеринин доктору (1939), профессор (1940). Кыргыз ССРинин илимге эмгек сиңирген ишмери (1944). Саратов университетин бүтүргөн (1920). Куйбышев шаарындагы терапия клиникасынын башчысы (1927–34) ж-а Аскер медицина академиясынын госпиталында профессор (1939–41). КММИнин факультативдик терапия кафедрасынын башчысы (1941–58). Илимий эмгектери тоо климатынын адамдын организмине тийгизген таасирине, боткин оорусунун клиникалык белгилеринин айрым маселелерине ж-а аны дарылоого арналган. Эмгек Кызыл Туу, «Ардак белгиси» ордендери ж-а медалдар м-н сыйланган.
Эмг.: Усиление диуретического действия меркузола с никотиновой кислотой//Советское здравоохранение Киргизии. 1954, ¹ 2; Некоторые вопросы клиники и лечения болезни Боткина//Советское здравоохранение Киргизии. 1957, ¹ 1.