ВЬЕНТЬЯН
ВЬЕНТЬЯ́Н – Лаостун борбор шаары. Меконг дарыясындагы порт. Өзүнчө административдик бирдик. Калкы 199,9 миң (2006); калкынын саны боюнча Индикытайдагы эң ири өлкө. Эл аралык аэропорту бар. Маанилүү жолдор тоому. Деңиз порту. Өлкөнүн ири финансы жана соода-өнөр жай борбору. Кустардык өнөр жайы басымдуу; күрүч актоочу, жибек токуу, кебез-кездеме, булгаары, мебель өнөр жай өндүрүшү иштейт. Көркөм кол өнөрчүлүк өнүккөн. Университет (1958), элдик улуттук музыка жана бий мектеби (1992), калк китепканасы (1957), музейлер бар. 13-кылымда негизделген. 16–18-кылымдын башында Лансанг Лаос мамлекетинин (үзгүлтүк менен), 1899-жылдан Франция Лаосунун, 1946– 1975-жылдарда Лаос королдугунун, 1975-жылдын декабрынан Лаостун борбору.
Архитектура эстеликтери: Фра-Кео (1565), Ват Сисакет (1820) храмдары, Тхат Луанг ыйык чиркөө комплекси (1586), королдор сарайы жана башкалар.