ГАЗ КЫЙМЫЛДАТКЫЧЫ

ГАЗ КЫЙМЫЛДАТКЫЧЫ — газ түрүндөгү отун (табигый газ, нефть газы ж-а суюлтулган газ) м-н иштөөчү, учкун же басым аркылуу тутануучу ичинен күйүүчү кыймылдаткыч. Газ кыймылдаткычынын алгачкы үлгүсү 1830-жылы француздук инженер Ж. Ленуар тарабынан жасалган. Азыркы машиналардын көпчүлүгү жаратылыш газы (метан), айрымдары нефтиден алынган суюлтулган газ м-н жүрөт. Суюк отун м-н иштөөчү кыймылдаткычтан Газ кыймылдаткычынын бир топ артыкчылыгы бар. Күйүүчү аралашманы даярдоо ж-а аны күйгүзүү жолдору өркүндөтүлгөндүктөн, кыймылдаткычтын негизги тетиктери анча жешилбейт ж-а сыртка чыгарылган газында зыяндуу аралашма болбойт. Туруктуу Газ кыймылдаткычынын пайдалуу аракет коэффициенти 42%ке жетет. Металлургия өнөр жайында аба үйлөгүчтү кыймылга келтирү үчүн кубаттуулугу 15 миӊ кВт болгон Газ кыймылдаткычы колдонулат. Транспорттук Газ кыймылдаткычы газгенератордуу ж-а газ баллондуу автомобилде орнотулат. Газ ж-а нефть өнөр жайында Газ кыймылдаткычы жаратылыш газы м-н иштеп, газ жиберүүчү түзүлүштөрдү кыймылга келтирет.