ГАРМОНИЯЛЫК ТЕРМЕЛҮҮ

ГАРМОНИЯЛЫК ТЕРМЕЛҮҮ – кандайдыр физикалык чоӊдуктун убакыт ичинде синус же косинус закондору менен өзгөрүшү. Ал эӊ жөнөкөй термелүүлөр болуп эсептелет. Механикалык термелүүдө гармониялык термелүү жылыш аралыгы $x=Asin(wt+\varphi )$ же х=А cos (wt+φ) теӊдемеси менен туюнтулат. Мында $x$ – убакыттын берилген $t$ моментинде термелүүчү чоӊдуктун мааниси, $A$ – термелүү амплитудасы, ($(wt+\varphi )$) – термелүү фазасы, $w$ – айлануу же циклдик жыштык, $\varphi$ – баштапкы фаза. Графикте гармониялык термелүү синусоида же косинусоида менен мүнөздөлөт. Ал серпилгичтүү же ага окшош өзгөрүүчү күчтөрдүн аракети менен дайыма теӊ салмактуу абалдын айланасында болот. Гармониялык термелүү – түрдүү формадагы термелүүлөрдүн эӊ маанилүүсү.