ГЕОПАТОГЕНДҮҮ ЗОНАЛАР

ГЕОПАТОГЕНДҮҮ ЗОНАЛАР – тирүү организмдердин, анын ичинен адамзаттын тиричилиги үчүн ыӊгайсыз жерлер. Геопатогендүү зоналарды аныктоо акыркы жылдары гана жандана баштады. Бирок, айрым маалыматтар боюнча байыркы адамдар курулуш иштери үчүн жерлерди кылдаттык м-н алдын ала изилдешкен. Азыркы кезде Геопатогендүү зоналардын пайда болушу реалдуу геофизикалык кубулуштарга (геомагниттик талаа, радиациянын деӊгээлинин жогорулашы ж. б.) байланыштуу. Алар адатта асты көӊдөй, тереӊдиктеги жаракалар өткөн ж-а жер астындагы суулар аккан жерлерде, сайларда пайда болот. Алардын натыйжалары имараттардын деформацияланышынан ж-а урашынан, чөгүшүнөн, жолдордун ж-а коммуникациялардын локалдык деӊгээлде бузулушунан адамдар м-н жаныбарлар үчүн туруктуу патологиялык очоктордун түзүлүшүнөн ж. б. жагдайлардан байкалат. Геопатогендүү зоналардагы нурлануудан адамда нерв түйүндөрүнүн бузулушу, инсульт, инфаркт, онкологиялык ж. б. оорулардын пайда болушу мүмкүн. Ошондуктан Геопатогендүү зоналар байкалган жерлерде курулуш иштерин жүргүзүү алдында биолокация боюнча адистерге кайрылуу зарыл.
Б. Үсөнканов.