ГЕРОН ФОРМУЛАСЫ

ГЕРО́Н ФОРМУЛАСЫ – үч бурчтуктун аянтын анын үч жагынын $a,b,c$ узундуктары аркылуу туюнтуучу формула: $S={\sqrt {p(p-a)(p-b)(p-c)}}$ , мында $p$ – үч бурчтуктун жарым периметри: $p={1 \over 2}(a+b+c)$ Эгерде төрт бурчтук бир мезгилде айланага ичтен ж-а сырттан сызылса, анда анын аянты $S={\sqrt {abcd}}$ формуласы менен табылат, мында $a,b,c$ жана $d$– төрт бурчтуктун жактары. Бул формула грек окумуштуусу Герон Александрийскийдин (1-кылым) «Метрика» деген эмгегинде берилген ж-а Архимедге (б. з. ч. 3-кылым) да белгилүү болгон.